Бекбаев Асылхан Табылдыұлы (1924-2019) Павлодар облысы Бесқарағай ауданы  Семеновка ауылының маңында Ойқарағай ауылында дүниеге келген. 1940 жылы Семеновка жеті жылдық мектебін бітіргеннен кейін Семей геологиялық барлау жұмыс факультетіне оқуға түсті. Факультеттің жабылуымен байланысты ол үйге, Семеновкаға оралып, Семенов пошта байланыс бөлімінің бастығы болып жұмыс істей бастады. 1942 жылдың 20 маусымында Асылхан Табылдыұлы Бесқарағай аудандық әскери комиссариатымен әскерге шақырылып, бірден Қазақ ССР Петропавловск қаласында орналасқан Селищенск авиациялық механиктер әскери мектебінің курсанты болып қабылданды. Мектепті бітіргеннен кейін, 1943 жылдың қазан айында, 6-шы гвардиялық бомбалаушы дивизиясының 13-ші жойғыш авиациялық полкіне жіберілді.

1944 жылдың қараша айынан бастап 3-ші Белорус майданы 134-ші гвардиялық авиациялық полкінің құрамында А.Т. Бекбаев Белоруссия, Балтық жағалауы, шығыс Пруссия аумақтарын неміс-фашист басқыншыларынан босатты. Жеңіс күнін Асылхан Табылдыұлы Кенигсберг маңында қарсы алды. ІІ дәрежелі Ұлы Отан соғысы орденімен, он екі медальмен және естелік белгілермен марапатталған.