Жарма филиалында сабақ пен экскурсия өткізілді

«Ұрпақтар аманатын сақтаушылар» — осындай атаумен Абай облысы мемлекеттік архивінің Жарма филиалында өткен сабақ пен экскурсияға Батыр Қапай ауылының Васильковка негізгі мектебінің оқушылары мен ұстаздары Алғанұр Әлия, Әлихан Жолдыбек қатысты.

Бұл күн балалар үшін нағыз жаңалықтарға толы болды.

Оқушылар архивтің қоғамдағы рөлі мен маңызы туралы білді. Жарма филиалында сақталған тарихи құжаттармен танысты.

Ең қызықты бөлімі — оқушылар құжаттардың қалай сақталатынын көру үшін архив қоймасына арнайы экскурсия жасады.

Құжаттар негізінде ұйымдастырылған көрмені тамашалап, тарихтың тірі куәгерлерін өз көздерімен көрді.

Архив — жай ғана қағаздар жиынтығы емес, бұл біздің өткеніміз бен болашағымызды байланыстыратын алтын көпір.