Түсіпов Асылтай Мұсалимұлы 1922 жылы 22 желтоқсанда Семей облысы Жаңасемей ауданы Эбетей ауылдық Кеңесінің «Қызыл-күйген» колхозында дүниеге келген. 1941 жылы Семей геологиялық-барлау техникумын бітірген. 1941 жылғы желтоқсаннан бастап Ұлы Отан соғысы майдандарында. 100-ші жеке танкке қарсы жауынгерлік дивизионның 45 мм зеңбірегінің командирі. 1942 жылдың наурыз-маусым айлары аралығында Алматы қаласындағы кіші командирлердің полк мектебінде оқыды. Оқуды бітіргеннен кейін 1-ші атқыштар дивизиясының 412-ші атқыштар полкіне жіберілді. Ол Калинин, 2-Балтық, 2-Беларусь майдандарында соғысқан. 1944 жылы желтоқсанда «Смерш» қарсы барлау басқармасының жедел тобының құрамына қабылданды. 1945 жылдың сәуірінен-2-ші Беларусь майданы армиясының 49-шы атқыштар дивизиясының «Смерш» қарсы барлау бөлімінің хатшысы-шифрлаушысы. 1945 жылдан 1948 жылға дейін – ТуркВО 1-атқыштар корпусының 357 атқыштар дивизиясының мемлекеттік қауіпсіздік министрлігінің қарсы барлау бөлімінің хатшысы-шифрлаушысы. 1948 жылы екінші лейтенант шенімен демобилизацияланды.

Неміс-фашистік басқыншылармен күресте жауынгерлік тапсырмаларды үлгілі орындағаны үшін Асылтай Мұсалимұлы Қызыл Жұлдыз, 2 дәрежелі Отан соғысы ордендерімен, «Жауынгерлік еңбегі үшін» медалімен марапатталған.