Қарағанды қаласында өткен мамандандырылған семинарға қатысу

 

 

 

2026 жылғы 29–30 қыркүйекте Қарағанды облысының мемлекеттік архивінің базасында екі күндік семинар өтті. Семинардың тақырыптары: «Архив ісі және құжаттаманы басқару саласындағы заңнама мен нормативтік құқықтық актілердегі негізгі өзгерістер» және «Құжаттардың бірыңғай электрондық архиві» ақпараттық жүйесінде жұмыс істеуді үйрету».

image-1416-2390.peg

Іс-шараға Абай облысының мәдениет, тілдерді дамыту және архив ісі басқармасының қызметкері Е. Саятов, Абай облысы мемлекеттік архиві директорының орынбасары Б.Е.Майкенова, бас қор сақтаушы М.Т.Исенова, архивші Р.А.Найзабаева, сондай-ақ жергілікті атқарушы органдардың ведомстволық архивтерінің қызметкерлері: Семей қаласы әкімінің аппараты, Семей қаласының мәслихаты, Семей қаласы мен Жаңасемей ауданының білім бөлімдері және кәсіпкерлік саласының өкілдері қатысты.

image-1416-2391.peg

Семинар барысында Архив, құжаттама және кітап ісі комитетінің өкілі С.Ташанова архив ісі және құжаттаманы басқару саласындағы заңнама мен нормативтік құқықтық актілерді қолдану, нормативтік талаптардағы негізгі өзгерістер, сондай-ақ архив жұмысын ұйымдастырудың практикалық аспектілері туралы баяндады.

«Құжаттардың бірыңғай электрондық архиві» ақпараттық жүйесінде жұмыс істеуді үйретуге, оның функционалдық мүмкіндіктері мен архив мекемелерінің қызметінде практикалық қолданылуына ерекше назар аударылды.

Семинар аясында Қарағанды облысының мемлекеттік архиві архивтік құжаттар негізінде әзірлеген көрме таныстырылды.

image-1416-2392.peg

Мұндай семинарларды өткізу архив саласы қызметкерлерінің кәсіби құзыреттілігін арттыруға, ақпараттық жүйелермен жұмыс істеудің практикалық дағдыларын жетілдіруге және өңірлердің архив мекемелері арасында тәжірибе алмасуға ықпал етеді.